- 77 -

1325. Sept. 16. Liegnitz.

Herzog Boleslaus verkauft der Stadt ein Stück Viehweide vor dem hainauer Thore.

In nomine domini amen. Vt gesta principum robur perpetue firmitatis accipiant, expedit, ea testium attestacione et scriptis autenticis ad memoriam hominum reducere diuturnam. Igitur nos Bolezlaus dei gracia dux Slesie et dominus Legnicensis ad communem omnium, tam presencium quam futurorum, tenore presentis pagine deducimus nocionem, quod, maturo ac deliberato animo, desiderijs ac precibus fidelium nostrorum ciuium Legnizensium annuentes, dedimus ipsis pro communi vtilitate ciuitatis Legnizensis plenam et liberam facultatem, vt agros pascuales ad ipsam ciuitatem Legnizensem pertinentes, ante portam ciuitatis, qua versus Haynouiam itur, sitos, in vsus ciuitetis conuertere libere possint, prout ipsis pro comodo et vtilitate ciuitatis comodius et vtilius videbitur expedire, vendendo, transmutando, locando ipsos agros et quocumque alio tytulo alienando. In cuius rei euidens testimonium et munimen presens instrumentum dedimus nostri sigilli robore insignitum. Actum et datum in Legnitz xvj° kal. Octobris, anno domini millesimo trecentesimo vigesimo quinto, presentibus testibus subnotatis, Johanne Zambor, Mathya de Mulheym, Henrico de Syliz, Johanne iudice curie Legnizensis, Syfrido Renker, Thammone de Pascowicz nostre curie prothonotario et Conrado de Zhesshov nostro notario, qui presencia ad conscribendum habuit in commisso.

O. d. St. L. No. 28. Siegel wie vorher, hier aber mit dem Rücksiegel. — Bitschens Privilegb. f. LXVI. — Dessen Geschossbuch. p. 214b.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866